Kachin State, Mansi khuapi a om SACte’ galphual (Camp) teng ahi; No. 601, 319 Infantry Battalion Camp leh Thaupi galkap phualpi (Artillery Battalion Camp), No. No. 601 Infantry Military battalion,No. 319 Infantry Military Battalion and No. 352 Infantry battalion Camp, cih teng thum Kachin Independence Army (KIA) leh a pawlte’n tuni January 8, 2025 ni zingsang (11:00am) hunin busim in, lakhiazo taktak ta uh cih thu KIA thugenpi Major General Naw Bu in genkhia hi.
Mansi khuapi SAC Camp teng KIA leh a pawlten a lakkhiat ciangin, SAC galkapte a honpi in taikhia mang uh a, KIA te’n sa zonin sulzon pah uh ci hi. KIA leh apawlte’n lakhiat Bahmaw – Mansi kidona sungah Bamaw khuapi Veng pawl khat pen KIA in lencip/ ukcipzo nai lianlo uh a, ahi zongin lutthei ta in SAC galkap om lai sunsun teng kapcip uh ci hi. Bamaw khuapi sung a om SACte KaKing camp leh King Camp akihel Camp kigawm vekpi 10 kim om lai cih Major General Naw Bu in gen hi.
Mansi khuapi kikapna sungah SAC Campte busimna leh lakkhiatna ah akipumpiak (surrender) tampi om banah No. 601 Infantry Battalion Strategist Commander zong si-in, galvan thauvui thautang tampi kingah khia ci- in, Bamaw Scout Team te’n zong genkhia hi.
Bamaw khuapi a SAC Camp No. 21, Operations Command Headquarters camp te zong KIA in kapzial to banah No. 47 Infantry battalion Camp te zong lakhia / hum cipzo ta ci hi. Bamaw khuapi kidona sungah SAC lam pan galvanleng tawh nasiatak gal huhna nei uh ci hi.
Hih bangin Bamaw leh Mansi khuapi nihte lakkhiat zawhna dingin abeisa December 9, 2024 ni akipan KIA leh PDF pawlte’n nasiatak galdona kipan uh hi a, tuni ciang hi leh khakhat val bang SAC tawh kikapna khauhpai semsem uh hi.
Hits: 8