Myanmar gam veng ahi China gamah akilawhbaih mahmah natna (Human Metapneumovirus (HMPV) lungno thak nam khat kizeel laitak cih thu India gam NDTV World News in January 2, 2025 ni-in pulakkhia hi. Tua lungnote pen kilawh baih mahmah ahih manin, zato ah cina dim ziahziah banah misiluang kihalna munte zongah mipi dim ziahziah cih thu Social Media tungah kisuaksak hi. Social Media tungah a minthang mahmah Video ah akimuhna ah Zato innte cina dim zihziah kisuahkhia hi.
Naupang zatote ah Tuap bawk natna leh adang Tuap a sukha natna ngah khang mahmah cih thu India gam pansan NDTV World News ah pulak hi. Hih HMPV natna lungno in bukkhuh/ ci lehsa kham, COVID-19 natna tawh kibang pianzia (Symtom) nei ci hi. Natna lungno kizelna tawh kisai Cidamna lam saite in limtak etcianna nei uh ci hi. Hih natna tawh kisai China gamah Emergency dinmun hita ci-in kumpi in tangkona nei uh a, ahi zongin kipsakna lian nei nailo ci hi.
China gamah hih natna a encikte leh dal kholhna kipawlna (China’s disease control and prevention agency) ten Natna zonna thusuahna lai khahkhiat ding leh natna kepna leh dalna lam nasepzia thak bawlkhia ding cih Thuthak lam sai makai khatin agenna CCTV pan genkhia hi. Natna lungno kilawhna thahatna pen 2024 December 16 ni-in asang pen cih thu 2025 January 2 ni-in tangkona nei uh hi.
Hits: 4