Chin State, Hakha – Thatlang khuapi kikal a om Ukna buluh (SAC) te’ galphual mun 5 teng pen Chinland Council (CC) makai in, Jericho Operation min tawh abeisa November 22- December 3, 2024 sung nasiatak a dona pan buluak / lakhiazo taktak ta uh cih kiza hi.
Hih SAC te galphual mun thupi “C3 Camp” teng pen abeisa November 25, 2024 ni akipan Chinland Council pawlin lakhia masa uh a, November 30, 2024 ni-in Hakha khuapi kiang a om Ruavazung Camp, Timit Gunlei kiang a om Umpupuaknak Tlang Camp leh Nawnthlawk Bo Camp teng tutung Jericho Operation tungtang pan lakhiazo uh hi.
Timit Gun kiang Hakha lam pang Keivangzuan Camp mun a om SAC galkapte pen Chinland Council tawh kikapna zong omlo galvante nusia in taimang uh ahih manin, December 3, ni-in lutin Galvan pawl khat ngah khia uh hi. C3 Hill Camp pen abeisa July 22, 2024 ni akipan Chinland Council pawlin Tilim Operation 4, min tawh doin lakhiazo uh himah leh Hakha pan SAC galkap tampi puak beh uh ahih manin, October kha nipikal nih sung pawlin Chinland Council pawlin nang zo loin nusia uh hi. Ahi zongin Chinland Council lamte lungkia hetlo in, nasiatak a do tohtohna pan tuni December 3, 2024 ni petpet ciangin SAC te’ C3 Hills camp om khempeuh lakhia zo uh suak hi.
Hakha khuapi leh Thantlang khuapi kikal Thantlang lam neh a om Auto Hills leh C3 SAC Camp mun 2 bek om lai a, Timit Zangkuam pan Thidana Camp ciang dong SAC Camp khempeuh Chinland Council in Jericho Operation min tawh do uh a, tuni ciangciang SAC te’ Camp mun 6 buluak / lakhiazo ta uh hi. “C3 Hill Camp buluh ding ka kithawi laitak un SAC galkapte taikek mang uh ahih manin, olno takin kila lakhiazo suak hi. Camp panin galvan pawl khat kingah a, mal bangzah lian cih kisimthei nailo “ ci-in Salai Hteet Ni in genkhia hi.
Hits: 5