Hamas leh Israel kikal kikapna khawlsanna (ceasefire) ding thukimna ngah ta uh a, hih thukimna tawh kizui in Hamsa ten kum khat val sung a khumcip uh a mimatte khahkhiat dingin thukikum khawm teng leh American kumpi thuneite in tuni January 15, 2025 ni-in pulakkhia uh hi. US President thak ding J. Donald Trump in gamdang lam vaisaipi ding Hluttaw ah min apiakpa Mr. Marco Rubio pen Senate ah aki-etkai sung teng tulaitak Senate Foreign Relations Committee ah Chairman asem Mr. Jim Risch in hih thuthak pulakkhia hi.
Ahih zongin ngaihsut phat mahmah ding leh kidop lai ding thu hi ci-in gen hi. Hih Thukimna pen Gualzawhna a kibawl ma teitei in koici taksuah sak thei ding cih theihnop huai ahihna zong gen hi. Kikapna khawlsan ding thukimna tawh kisai pen US Party 2 te gelin lungkim takin sang / muak tuak uh hi. Connecticut Democrat Senator Chris Murphy in bel hih thu pen thuthak thuhoih hi ci-in, senator Rish tungah gen hi.
Kikapna khawlsanna (ceasefire) tawh kisai pulakna ciangtanna pen a banban in sep tohtoh ding hi-in, Mi matte pawl khat khahkhiat ding cih American thunei mi 3 in AP News agency te tungah kipsakna nei hi. 2023 October kha sungin Hamas ngongtat pawlin Israel te a kapphial akipan akiman pawl khat Hamas ten khahkhia ding uh a, Israel ten zong Palestines thongkia a kepte honkhat mah khahkhia ding uh hi.
Hits: 7