Sagaing Region, Kalay township, Letpanchaung khua ah tukha November 26 – 28, 2024 (ni 3) sung SAC in Thaupi tawh khua sung akapna hangin, khuami naupang kum 14 akihel mi 5 in sihlawh cih thu khuamite’ tungtawn in kiza hi.
Misite pen Mg. Lalrapei (kum 14), Mah Lalbiakpuii (Kum 25), Pi Lawn Neih par ( Kum 54), Pu Lalmingthanga (Kum 65), cihte ahi hi. Tua banah November 28, 2024 ni in zong Kin Hmun Chung khuaneu pen SAC te in Thaupi tawh kap uh a, Tualsung mi nupi khat si in, khat liam ci-in khuasung miten gen uh hi. A si nupi pen Daw Za Za Htwe (Kum 40) kim hi a, khua sung inn honkhat zong nak siat mahmah ci-in, min genkhia nuamlo khuami khatin gen hi.
“Kikaptuahna cih om hi kei veh aw! Thaupi tawh khua sung phial kap gawp uh a, khuamite a si aliam om hi, Ken Hmun Chung khua mi nupi khatin sihlawh in, nupi khat mah a pheipi liam hi. Inn tampi kisiagawp lai “ ci-in khuami khatin gen hi. Kalay Township sung a om khuaneute SAC te’n thaupi tawh a kapna hangin khuamite lau in linglawng gawp mang uh ci hi. Gamvai tawh Thongkiate a huh kipawlnate (AAPP) te’n November 29, 2024 ni a pulakna uh ah SAC in ukna a buluh khit akipan Kawlgambup ah a thahlup 6000 val ta ci-in gen uh hi.
Hits: 4