August 20, 2023 || Tongsan Media Group ||
Sagaing Division, Kalaymyo township Thazi khua ah Ukna buluh (SAC) galkap te’n galphual in nei uh a, khua sungah Inn 100 kim mei tawh haltum sak uh cih thu khuamite’n gen uh hi. SAC galkap 100 valin Thazi khua sungah August 16, 2023 ni akipan phualsat uh hi. Tua hun akipan in tuni August 20 ni ciang dong SAC galkapten khua sung Inn kimah lutin, a deihdeih uh a lak sak banah mei tawh hal sak uh cih khuami numei khatin gen hi.
“Inn halsakna tawh kisai bel inn kim hal cih kimu sam lo hi. Khawk 4 halin danin hal uh cih kimu hi. Mei khu suah zia ka etna tungtawn a kimuthei suak ve. Khuamite bel galkapna om ding cih akitheih akipan galtai hipah hi” Ukna buluh (SAC) galkapte bel tuni dong Thazi khua mahah om cip uh ahih manin, khuami 3000 kimte mundang ah a bumang uh hi. Inn lam ciah ngam nailo uh ahih manin, khua sung Inn saitnate akipan khua sung omziate kician takin kitheizo nailo ci-in khuamuten gen hi.
Khua sung omzia tawh kisai bel Sagaing Division thugen theihna vaipuak nei Resources Minister U Tin Than Win pen phone samin, akihopih hang genkikna neilo hi. Inn halna tawh kisai thukan leh etcianna nei pawl (Data for Myanmar) te’n August 8, 2023 ni a thupulakna tawh kizui-in, SAC in ukna a buluh hun sungah Inn 57503 val mei tawh kihaltum hi. United Nations Office for the Coordination of Humanitarian Affairs (UNOCHA) te’ muhkhiatna ah Ukna buluh (SAC)te’ ukna luh ni akipan Sagaing Division ah Inn leh lo nusia a, galtai vekpi 700000 val pha ta ci-in mukhia uh hi.
Source: RFA Burmese
Translated: Tongsan Admin Team
![](https://tongsan.org/wp-content/uploads/2023/08/368498739_1265132134170400_6276065650161049924_n.jpg-1024x582.webp)
Hits: 6