Kayah State (Karini) State sungah akithehthang Kayan Revolution thautawi kipawlna tuamtuamte pen Ukna buluh (SAC)te do leh kap khawm ding ngimna tawh Kayan National Army (KNA), ကယန်းအမျိုးသားတပ်မတော် cih min thak phuan khia ta uh cih October 29, 2024 ni-in thusuahna nei uh hi.
Hih Kayan National Army (KNA)te pen Karenni (Kayah) State sung a om Loikaw, Dimoso, Moebay, leh Phekhong khuapite leh adang Kayan gam sung a om Kayan thautawi kipawlnate khempeuh kipawl khawm uh ci hi. Kayan gam sung a om Revolution mapanna ah akihel makai teng mahin tua KNA Committee panmun hawmna nei pah bek tham loin, NUG tawh khut kilen / kizomin Ukna buluh (SAC) te abei siang mateng zung lotkhia in, gal ka do khawm ding uh hi ci-in genkhia uh hi.
Ukna buluh အာဏာရှင် galkapte a do ding a thahat kipawlna khat hong piangkhia hi ci in, ကရင်နီပြည် ကြားကာလအုပ်ချုပ်ရေးကောင်စီ, Interim Administrative Council (IEC (IEC) tavuan nei kha ahi Ko Bayan in gen hi. Hih KNA kipawlna pen Ukna buluh (SAC) galkapte a do dingin a thahat kipawlna khat hong kiphuankhia taktak hi ci in ka mu hi. Ahi zongin koici danin galvai ah kipawlkhawm ding cih tawh kisai a kician in kigenthei nailo hi.
KNA in abawl thukhunte ahih leh; Kayan galkap kipawlna phuh khiatna ding, Kayan thautawi kipawlnate khat leh khat kigawmkhop theih nading, simmawh bawlsiatna a thuak Kayan mipite dal leh hut zawh nading cihte akipan thukhun nam (9) bawl khia uh hi. Tua banah Minam lungtup leh Kayan minam khempeuh kipumkhat theih nading, Kayan zingvai Kayan in a hawm theih nading, mipi khempeuh leh party namkim akiheltheihna vaihawmna ahi Democracy kizattheih nading cih thulu akihel thu (5) kisemto ding hi ci in genkhia hi.
Hits: 10