Ukna buluh (SAC) galkapte in Bago Win Nyeinmitayon Sayardaw (Monk) a kaplupna vai ah SAC lalkap Makaipipa Senior General Min Aung Hlaing in SAC- Ministry of Religous Affairs sawlin Sayadaw (Monk) inn ah thumna / mawhsutna nei hi. Tua a mawh sutna / thuumna lai sungah Sayadawpa (monk) ii tuanna Motor pen biakna ciaptehna omlo banah, motor kong khak man (window) khiasuk loin, hat takin hawl ahih manin, SAC galkapte in a kap uh hi ci-in gen hi.
Tua thu tawh kisai-in, SAC galkap ulian pawlkhat in thu kanna nei uh cih thu kihel hi. SAC galkapte in a gen masakna-ah Sayardawpa (Monk) pen Local PDF te ‘ kaplup hi ci-in thumanlo khahkhia uh a, ahi zongin tua bang thumanlo a genkhiatna tawh kisai gencian kikna leh thumna bangmah neilo uh ci hi.
Sayadawpa (Monk) akithatlupna pen dahhuai leh mulkim huai mahmah a, mangngilh pak theih ding zong hi theilo hi ci-in Phungzi / Sayadaw khatin genkhia hi. Win Nyeinmitayon Phungzi (Sayardaw) in Mandalay Region, Ngayun Township ah nung June 12, 2024 (Wednesday) ni-in, a tuanna Mawtaw tawh a tai valval kimlai SAC galkapte’n kap ngekngek uh ci hi. Tua a kaplumte pen SAC galkap 14 leh Ngayun khua a om SAC ii khutzat Pyusawhtee mi 15, vekpi gawm galkap 29 te uh hi ci-in, SAC thukan pawlte’ zaksakna (Intelligence report) panin kitheikhia hi.
SAC pawlin a gen masakna ah Sayadaw a that pen local PDF te hi ci-in thumaanlopi a genkhiat uh hangin, tua a kapte pen SAC galkapbu khat leh galkap nautangte hi ci-in Win Nyeinmitayon Sayadawpa tawh motor tungah a tuang khawm Kan Thonesint Sayadawpa in June 20, 2024 ni in a genkhiat khit ciangin, SAC galkapte in thuman genkhia pan uh hi.
Hits: 2