Shan State (Northern), Namsan township, Myothit khuaneu ah SAC in tuni January 7, 2024 nitak lam (2:35pm) hunin TNEC sanginn pen Jet Flighter tawh 2 vei bomb khiatna hangin Sang siamah 3 kihel mi5 si cih thu TNLA in thusuahna bawl hi. “Sanginn lian mah a sawm uh hi-in, Siamah 3 sipah hi. Tua banah Workshop nasem 1, leh adang mi 1 bel bang sem cih kitheilo in, misi gawm 5 pha hi. Adang misi luang bel kimu nailo phot “ci-in khuami pasal khatin gen hi.
Tua banga SAC ii bomb khiatna hangin a site banah Myothit khua a om TNEC sanginn akihel mipite’ tenna inn 7 kisiagawp in,khuami 6 in nasiatak liamna ngah uh cih kiza hi. ” SAC in bomb a khiat banah Machines gun tawh zong kap uh hi. Kikaptuahna leh kidona cihte om hilo hi. SAC pawlin mipite sawmna ngiat tawh a sep uh hi” ci-in genbeh hi.
2023 November 19 ni-in zong kikapna om lopi-in, Myothit khua ah SAC in bomb khiat khin uh a, naupang 1 akihel khuami 3 in sihlawh hi. Tua mah bangin 2023 December 29 ni in zong SAC in Namtu Township, Manli khuaneu ah bomb akhiatna hangin TNEC Sang siamah Lui May Phyo Eh in sihlawh hi.
![](https://tongsan.org/wp-content/uploads/2024/01/416932211_930428448446544_1549197905621535163_n.jpg)
![](https://tongsan.org/wp-content/uploads/2024/01/416942965_930428468446542_5346756921253356249_n-2.jpg)
![](https://tongsan.org/wp-content/uploads/2024/01/416930853_930428451779877_508354195078886615_n-1024x576.jpg)
![](https://tongsan.org/wp-content/uploads/2024/01/417001124_930428455113210_5581779322103471994_n-1.jpg)
Hits: 2