Sagaing Region, Tamu Township, Khampat khua kiang Kanan khuaneu veng 5 sung a om Biakinn khat tuni January 7, 2024 ni zingsang (10:30am) kikhop hun laitak in, SAC pawlin kikapna om lopi in Jet Flighter tawh bomb tangpi 10 val khiat uh a, naupang 2 kihel mi 20 val si-in, naupang honkhat akihel tampi liam cih thu khuamite in Tongsan Media zasak uh hi.
” A site’ sungah kum cing nailo naupang 5 kihel hi. Biakinn kikhawm laitak ahih manin, mi tampi si uh a, a liam sazian phazah lian kitheizo nailo hi. Vanleng tawh Bomb a khiat beh ding lauhna tawh a liamte nawhsa takin kihemkhia hi. Misi zong kibehlap thei lai ding hi” ci-in khuami khatin genkhia hi.
Kanan khuaneu ah SAC in bomb akhiatna hang pen thupuak sim (Dalan) te’ hang hi ci-in khuamite khatin gen hi. SAC galkap in bomb a khiat hih Kanan khuaneu pen abeisa November 2023 sungin NUG kumpi khut nuai a om PDF pawlin a lakkhiatsa uh Khampat khuapi kiang a om khuano khat ahi hi.
![](https://tongsan.org/wp-content/uploads/2024/01/416221717_752226756940072_1832176765737544008_n-1024x768.jpg)
![](https://tongsan.org/wp-content/uploads/2024/01/417109139_729636222597320_818360359568588358_n-2.jpg)
![](https://tongsan.org/wp-content/uploads/2024/01/417440556_729636142597328_7965430752433569490_n-2.jpg)
![](https://tongsan.org/wp-content/uploads/2024/01/417872087_930254708463918_6489090914507035369_n-2-1024x768.jpg)
![](https://tongsan.org/wp-content/uploads/2024/01/417853004_930254701797252_7372505106798379506_n-2-1024x768.jpg)
![](https://tongsan.org/wp-content/uploads/2024/01/416274503_703821218558806_2679162947400901413_n-1024x771.jpg)
Hits: 8