Gamdang pai leh Revolutionary pawl-ah a lut khangnote hangin SAC te-in zawh thawh thu tawh khangnote galkap lut sak dingin a muh khak peuhpeuh man uh ahih manin, haksatna kituak mahmah ci-in Naypyidaw pan SAC lamte tawh akimeltheih khat in gen hi. “Khua sung veng sungah khangno minsazian a lakte uh lampi om bangbang tawh taikhia om ta! A khatveina kipuak khin ta-in, a nihveina minsazian a kingetkik teh, om nawn lo. Zan ni-in ka veng sung uh-ah khangno a muh khak peuhpeuh manin kai suak ziauziau uh,” ci-in genbeh hi.
“Gamlapi a tung khinsate Thukhun (law) zui-in a kisapkik kei leh a baih nawnlo dinmun himai. Nung kaal sungin mi sap ding haksa semsem” Naypyitaw-aa a om veng khat-ah galkap lut thei ding kum cingsa mi 30 val omin minsazian akilak laitak mi 13 taimang uh a, a dang 10-te pen Naypyitaw pualam-ah nasemte hi,” ci-in SAC tawh kimeltheih khat in gen hi. Ukna buluh (SAC) te dona akipat zawh kum thum val khit nungah SAC galkapte in Kawlgam leilu lam ahi Kachin State pan Kawlgam leitaw lam Thaninthari Division dong mun khempeuh ah gal စစ္မ်က္ႏွာဖြင့္ေနရသည္။ SAC battalion Camp mun tampi khahsuah / tanlawh khin uh a, thautawi mipite’ hangin gallel in Bangladesh, India leh Thailand gamte ah a honhon in galtai uh hi.
Tua hi a, SAC pawlin a galkap tha behlap kikna dingin, nidang-a abawl tawm uh Civil Service Law pen tukum 2024 February kha-in nungta sakkik uh hi. Tua law sungah kum 18-35 kikal pasalte, kum 18-27 kikal numeite in a tawm pen kum nih peuhmah galkap sep ding cih thu ahih manin, tua ciangtanna tawh a kituak mi 140000 val bang om ci hi.
Hih Civil Service Law a kitangko khit akipan SAC te in galkap lut dingin mithak a azong/ a la ding kipawlna a dawldawlin phuan uh a, a manlang thei penin kipat ding hanciam uh hi. Kaal khatin mi 5,000 ta April kha pan lak dingin SAC in thu suahna nei hi mah leh a kaal masa pen a ciangtan hun sangin, galkap zon kipanbaih zaw uh hi. Galkap ding khatvei kaihkhopna-ah a utte bek sam ding a cih uh hangin, mee sawk sakna leh zawhthawh thu tam zat mahmah uh hi, ci-in Burma Affairs and Conflict Study – BACS pawlin kiciantak pulak hi.
Civil Service Law zatna-ah a ngim pawlte, munte leh mipite’ dawnkikna a kihel report khat April kaal nihna-in BACS in suahkhia hi. BACS report na-ah Civil Service Law a suahkhiat a kipan lampi tuamtuam zangin a taikhia khangno 100,000 val om ding, ci hi. A khatveina galkap ding mi 5,000 kaihkhopsate lakah Shan State leitaw lam, Ayerwardy Region, Yangon Region, Mandalay Region leh Naypitaw pan kum 24-30 kikal khangno tam pen hi, ci-in tua report-ah kimu thei hi.
Tua mah bangin a khatveina galkap training pen March kha bei-in kipankhia in, a nihveina mi kaihkhopna pen April kha kipat lamin sem uh hi. A nihveina a dingin galkap kaihkhopna-ah Magwe Region, Pagu Region, gal nasiatna Sagaing Region pan Township pawlkhat, Naypyitaw cihte pan khangnote zawh thawh thu tawh galkap lutsak sawm uh ci hi.
Hits: 2