Chin State, Tonzang Township Old Darkhai khua-ah abeisa April 3, 2024 ni-in CNA leh ZRA (E) te kikapna pan Old Darkhai khuami ZRA galkap Tg. Sut Lam Khai pen CNA lamte’n that lum (si khin) cih thu Khangthak Media pawlin Online ah tangko khia uh hi. Tua bek tham loin, May 14, 2024 ni-in a pianna Old Darkhai khua ah a nu leh pa, sanggamte leh khuamite in a luang hawm omlo pi-in, Hanmual ah Vui bawlna nei uh cih thu Pa Cin Lian Khai in ama Facebook tungah Video leh Photo tawh kiciantak pulakkhia leuleu hi.

HIh bang thu piang kawmkal ah Chinland Information Center in, tuni May 16, 2024 ni-in Tg. Sut Lam Khai pen silo lua kisa in, amahmah in thugen cianna leh cidam in a omna Video clip tawh thuman thutak pulakna nei thei hi. Tua manin mai lamah hih bang a thukizakna manlo / kicianlote tangko khiat ding lam thangah luat loh ding thupi mahmah ahihna hong phawk sak hi.

Tua bek tham loin, mipite in zong mimal vai ahi a, gam leh minam vai leh biakna vai cihte ah mimal kigupna, kipaihna, kilangpanna, thu langgenna / luanglet lua thugenna cihte tawh Mipite’ lungsim toknawi leh buaisak nawn lohna ding thupi mahmah ding hi cih kiphawksak nuam hihang. I sanggampa Tg. Sut Lam Khai zong a omna mun pan cidam leh lungnuam takin Inn lam a ciah mengmeng theihna ding thungetna tawh panpih ciat ni.

Hits: 0

Byadmin

Leave a Reply

Your email address will not be published. Required fields are marked *