Ukna buluh (SAC) in abeisa 2021 Febraury 1, ni-in gam ukna hong suhkhiat khit akipan Myanmar gamah thukizakna leh kizoptuahna lam (Media and Journalism) nasepnate khauhtak khaktan uh hi. Tua bek tham loin, Thukan nasem (Journalist) tampi manin, thong khum bek tham loin, thumanlo leh cikzia hetlo takin that lum uh hi.
Tua bangin Thukizaktuahna leh Thuthak kante’ Kipawlnate(Media and Journalism Organization) tuamtuamte a khaktan uh ciangin, gampua ah kitaikhia mangin, tuni ciang dong Myanmar gam buaina vaite leitungbup theih dingin kitangko ciat hi.
Tua bang nasepna ah Myanmar gambup huam in abeisa December 2023 December kha sungin Thailand gam Chiangmai Khuapi ah Independent Press Council Myanmar (IPCM) kipawlna lianpi khat kiphuankhia hi. Hih IPCM Kipawl ah abeisa 2002 kum akiphuankhia ” Tongsan Media Group” zong Pawlpi kip (Full Member) khatin kipsakna / sanna hong nei ta uh ahih manin, Tongsan member leh tha hong pia khempeuh tungah Lungdamna kong pulak uh hi.
Independent Press Council Myanmar (IPCM) pen abeisa Myanmar gam sung a kipawlna lianpi khat ahi Myanmar Press Council (MPC) tangin kiphuankhia ahi hi. Tua MPC pen SAC in lencip in, amau thukizakna in zang / nei ta uh hi.
Hits: 3