July 31, 2023 || Tongsan Media Group ||
Ukna buluh (SAC)te’n amau ukna / thuneihna a lak cil akipan in, hun ciangtan tawh vaipuak let dingin pulak uh a, a hun / kum cin simin National Defence and Security Committee (NDSC) Meeting neito den uh hi. Tukha July kha bei ah a thuneihna hun uh cingto leuleu ahih manin, tuni July 31, 2023 ni-in National Defence and Security Committee (NDSC) meeting neihloh phamawh hi.
Hih National Defence and Security Committee (NDSC) meeting thukhensatna ah SAC ukna pen July 31 ni akipan Kha (6) sung behlap / khanto leuleu uh cih pulakna nei uh hi. Tukum February 1, 2023 ni-in SAC ukna uh a behlap / khantohsa uh hi a, tuni in hun ciangtan abei hita hi. Amau galkap (MAL/SAC)te’ bawl tawm abeisa 2008 Constitution No. 421 (2),425 tawh kituak in Thukin ukna ci-in kha (6) behlap / kikhinto ci-in pulakkhia uh hi. SAC te’n ukna buluh Kum 1 cin khit zawh thuneihna hun ciangtan 4 vei a behlap / khintohna uh hita hi.
Tuni a neih uh National Defence and Security Committee (NDSC) meeting hunah Acting President U Myint Shwe in a genna ah ” Gamvai dinmun pen a ngeina bang lo cih thu tawh kizui-in, SAC ukna / thuneihna pen Kha 6 kikhainto / kibehlap ahi hi ” ci-in genkhia hi. Gamvai kivaa / thutheite in bel SAC in hih bangin ukna a khintohna uh pen amau bawlsa 2008 Constitution a susia / langpan kikna uh suak ci-in gen hi.
Tuni akinei National Defence and Security Committee (NDSC) meeting hunah NLD kumpi hun lai Vice President ahi U Henry Van Thio zong kihel-in, SAC ii ukna hun behlap / khintohna thukimpih ci hi. 2008 Constitution ah ukna / thuneihna behlapna pen Chief of Defense in ama vaipuak a tawp dong a sepzom theih kei leh Kha 6 khatvei hun ciangtan tawh kikhinto / kibehlap thei cih thukhun om a, ahi zongin gaivai dinmun omzia paulap in, tu abang in hun khinto / behlapto zel uh ci-in gen uh hi.
Source: Maung News
Translated: Tongsan Admin Team
Hits: 11