July 31, 2023 || Tongsan Media Group ||
Chin State, Mindat khuapi kimah zanni July 30 nitak lamin Ukna buluh (SAC) galkapte leh Palikte’ tuanna Mawtaw khat Chin Defence Force – Mindat te’n kap uh a, District police chief nasiatak liamin, SAC galkap 7 si cih thu CDF-Mindat in thusuahna bawl hi. Zanni nitak lam (4:30pm) pawlin Mindat khuapi nisuahna lam gammang tulak ah Mawtaw tawh galvil kileh kawikawi SAC galkapte le palikte Chin Defence Force – Mindat in lam kalah ngakin ka kapsak uh ci-in CDF-Mindat thugenpi Salai Ha Om in gen hi.
Forest zum tawh kinai palik zum pan RPG leh 40 MM tawh hong kap suak uh. “SAC galkapte le palik pawl mawtaw tawh gal vilin vak kawikawi pen ko pawl in ngak in kikap ung. Amau lam pan mi 3 te ding zo ngiat nawn loin sipah uh a, adang mi 4 pen SAC galkapte maw / palikte maw? ciih bel telcian lian kei ung! Kinai takin ka kikapna mun uh ah Mawtaw khawlin, amau lam in bel hong kaptuah thei nawnlo uh hi. Forest office gei palik len pan RPG leh 40 MM tawh hong kap uh a, ko pawl bel bang mah ci loin nung kik thei ung” ci-in genkhia hi.
SAC lam pan a si 7 te luanghawm leh a liam a baite galkap Mawtaw in dawnin puakhia uh ci hi. SAC te’ Mawtaw le galvan cihte bel ngah kei ung ci-in genbeh hi. “Kikapna pen 2 vei omin, a khat veina pen zingsang lam hi-in Khalahzah 274 galkap len pan tai khat bang akigamlatna Mindat khua ni suahna lam mualtung hi-in, tua laiah SAC galkap 1 si hi.
Tua banah mawtaw tawh gal vil apai SAC galkapte le palik kigawm 10 kim tawh a kikap kik ung” ci-in gen zom hi. July 30 ni zing lam nai 7 a Khalaza 274 tawh ki kapna-ah SAC lam pan 1 si-in mipi galkap CDF-Mindat pawl pan 2 liamin, gimluatna omlo / lunghimawh omlo ci hi.
Source: Khonumthung
Transated: Tongsan Admin Team
Hits: 4