August 2, 2023 || Tongsan Media Group ||
Chin State, Tonzang khuapi a om ukna buluh (SAC)te’ Palik len (Police station) pen Chin PDF kipawl khawmte ahi; CNA,CDF-Hualngoram, CDF-KKG, CDF-Tonzang leh PDA tengin zanni August 1, 2023 ni zingsang tung (04:00am -07:00am) sung va kap uh a, CDF-Hualngoram pan galkap Lalramchuana Kum 30) in gam leh lei ading a nuntakna piakhia hi. SAC lamte a si aliam om tuak a, sazian kician in kithei nailo cih kiza hi.
Kikaptuahna a veen khitteh lMotorcycle tawh Inn pan a taikhia Tonzang khuapi, Khuavung Leisan veng ateng Mualpi khuami nupate pen Tonzang police station lam pan SAC galkapte’n kapin, a pasal Pa Mang Sian Cing (Kum 27) sipah in, a zi zong a gilpi lam liam ahih manin zato kipuak ci hi. Adang naupang kum 8, khat leh kum 12 gual a pha naupang 2 zong Thaupi khakna hangin liamcih thu kiza hi.
Hih kikapna hangin Tonzang khuapi sung Veng pawl khat ah mipite kihelkhia uh ci hi. Abeisa July 27, ni in zong Tonzang township Lungtak khua zang bup, Phaitu khua a lang, Nakzang khuazang bup, Tuitum khuazang lang cih teng khua nusia in taikhia mang uh hi.
” Ko pawl bel Police station a lakhia lian dingin a kuankhia ka hi uh hi. Ka pai ding thu uh na za khin ahih manin, Police station bekah na om loin, Nah Tha Lah Innte ah panla in kigingsa in na om uh hi. SAC te’ police station ah SAC galkapte bek om loin Zomi Revolutionary Army (ZRA) te tawh panla in om khawm uh ahih manin, Police Station Camp kiluhkhia zolo suakin, kinungkik phot hi ” ci-in Chin PDF kipawl khawmten gen uh ci hi.
Hih kikapna hangin, khuamite Tedim khuapi leh Kalaymyo lamah galtai uh a, Cikha lam leh India gam Manipur state dongah galtai zong om cih kiza hi. Sum lee paii haksa khuamite ahih leh gamsung ah Lobuk belin tai uh cih donghu nasem khatin gen hi.
Chin State ah SAC in ukna a lakkhiat khit akipan Chin Defense Force te leh SAC galkapte mun khempeuh ah kizel uh a, kikapna om kawikawi hi. SAC ten Vanlam tawh bomb khiat uh hi. Tonzang khuapi pen Inn 1000 val pha in, mi phazah vekpi 5000 kim a teenna Chin State, Tedim township, Sagaing Division, Tamu Township, India gam Manipur State tawh kigamgi khuapi khat ahi hi.
Source: Ayeyarwaddy Times
Translated: Tongsan Admin Team
![](https://tongsan.org/wp-content/uploads/2023/08/364748864_660604522757340_2350915101179326745_n.jpg.webp)
![](https://tongsan.org/wp-content/uploads/2023/08/362952637_614457227489967_7135234143050337063_n.jpg)
Hits: 9