August 2, 2023 || Tongsan Media Group ||
Ukna buluh (SAC) in thuman lopi in amat uh NLD makaipi Daw Aung San Suh Kyi leh President U Win Myint te pen abeisa 2021 kum a, a thubawlna / mawhsakna pan suahtakna a kipiakna thu ukna buluh (SAC) te’n tuni August 1, 2023 ni-in pulakkhia uh hi.
State Counsellor Daw Aung San Suh Kyi tungah Ukna buluh (SAC) in a kipatcil lai a mawhsak / thubawlna nam 5 ading thong (kum 6), leh President U Win Myint tungah mawhsakna nam 2 ading thong (kum 4) khum nawn loh nading maisakna a bawlna uh General Zaw Min Thun in Media vaisaite’ tungah gen hi.
Abeisa February 1, 2021 ni SAC in ukna buluh ni-in amat uh Daw Aung San Suh Kyi pen Ukna buluh (SAC) in mawhmatna thubul vekpi 19 tawh Thong 35 khum dingin khensat uh a, Nyi Pyi Taw thonginn pan Taungngo thonginn ah a puak uh President U Win Myint pen mawhmatkna thubul vekpi 8 tawh kum 14 sung thong khum dingin khensatna nei uh hi. Tua banah 2021 December kha sungin Daw Aung San Shu Kyi leh U Win Myint te pen ukna buluh (SAC) in thong kum 2 tuak akhatveina thuneusakna / khiapna nei ngei khin hi.
Tu’n a nihveina SAC in thong kiatna ding hun khiam / a thuneu sak leuleu sam ahih hangun, a kimangthei / akisimthei ding thu (case)te’ ading mawh maisakna ciang a tunna ding thubul (case) bek ahihna Thukhen zumpi tawh akimeltheih khatin gen hi. “A cil lam a thu kineusak / kimaisak Thong kum 2 pen tutung a kineusak /kimaisak thubul 5te’ sungah kihelkhin ta hi. A om lai thu (case)te bel thulut theilo / kisimlo hi. Tutung a thuneusaknate zong bang mah kilamdanna omlo hi. Thubul (case) pawl khat bel mawhsakna ding om nawnlo zong om hi” ci-in genbeh hi.
Ukna buluh (SAC) galkapte’n Daw Aung San Shu Kyi pen Nyi Pyi Taw Thonginn ah a kep laitak uh hi-in, President U Win Myint pen Nyi Pyi Taw thonginn pan Taungngo thonginn ah tuahin khum cip uh hi. Daw Aung San Suh Kyi pen Nyi Pyi Taw thong inn pan Inn khatah kituah /kikoih cih thuging zong bel thulengsawn kisakna khat bek om lo hi ci-in SAC lamte’ thusuahkhia makaipa in gen hi.
Daw Aung San Suh Kyi leh U Win Myint te’ thu kineusakna / maisakna a piakna pen gamsung kilemna ding a lampi hoih khat hi a, Thau tawi mipite’ kalsuanzia thuklut sak Thukhen mang U Gyi Myint in gen hi. ” Ko, pawl thau tawi in gammite khempeuh in, abeisa 1990 kum lai ciangciang dong kithuak ngeingeu a, ahi zongin tutung taktak teh bel akithuakzo nawnlo mah ahi hi. No (SAC/MAL) te mah bangin, ko zong tun Thau tawi in, hong kido a, zawhthawhna taktak hi lel hi” ci-in genbeh hi.
Tua bangi a Thongkiate suahtakna a piakna uh pen Ukna buluh (SAC)te’n galvan khat danin a zang uh hi-in, PDF ten Thau a tawina uh bel khawllo in, a tawp dong khauhtak kikalsuan suak ding hi” ci-in Advocate U Gyi Myint in gen hi. “Eite in Thau tawina tawh i kalsuanna pen kikhawl nawnlo ding hi. I tha sanin lam ding hihang. Ei pawlin thau i tawina pen SAC in hong zahtak thei pan bek ding uh hi.”
Daw Aung San Suh Kyi hong suakta mah leh zong i khunsa gamvai lampi pan pial khia tuan lo ding hi National Unity Advisory Council (NUCC) thukikupna ah National Unity Government (NUG) ii Prime Minister Man Win Khaing Than in genkhia hi.
“Mipite’ deihna thupisak ni. Daw Aung San Suh Kyi in zong mipite’ deihna thupisak hi. Eite pen i kalsuanzia kikhel ngeilo ding hihang cih hong gen nuam ing. 2008 Constitution a om lai teng Federal Democracy kiphutzo ngeilo ding hi. Ukna buluh (SAC) a bei siang mengmeng ding bek kisam hi.” ci-in kiciantak pulakkhia hi.
Kawlgam sung Thonginn mun tuamtuam pan Thongkia 7749 te Thongkiat hunciam kitawmsak / kikhiapsak in kisuakta sak hi. Mualmi Thautawi member 22, akizoppih 72 leh gamdang mi 125 cih teng zong Thongkiat hun ciam kitawmsak / kikhiapsak ci-in Ukna buluh (SAC) in plakkhia uh hi.
Ukna buluh (SAC) te’n ukna a buluh ni February 1, 2021 ni akipan July 31, 2023 ni ciangciang SAC te’n a mat vekpi 24123 pha ta in, Khailupna tawh a thahlup vekpi 158 pha ta ci-in Gamvai hang a thongkia huhte kipawlna (AAPP) ten July 31, 2023 ni-in pulakkhia uh hi.
Source: Myanmar Now
Translated in Zokam: Tongsan Admin Team
Hits: 5