India gam, Manipur State sungah abeisa May 3, 2023 ni akipan Meitei ten Kuki – Zomi a thahlup misi luang 87 te zanni December 20, 2023 nitak (2:00pm) hunin Lamka Khuapi ah vuina hunpi thupitak nei uh cih kiza hi.
Hih Kuki – Zomi galhang/ salpha misite’ sungah Lamka khuapi Zatopi ah akikoih luang 48 leh Imphal khuapi JNM leh RIMS morgue misi bukah akikoih luang 41 te Manipur Government thunei te’n Helicopter tawh puak uh a, misi luang kigawm vekpi 87 mipite’n vuina hun thupitak kibawl cih kiza hi. Hih Kuki – Zomi misi Salphate’ kivuina hun pen Kuki- Zomi tangthu ah misi kivui tam pen hi dingin kiciamteh hi.
Manipur State ah abeisa May 3, 2023 ni-in Meitei (Katee) leh Kuki – Zomi kikal buaina hang a thahna / sihna a thuak Kuki- Zomi te luang 117 si uh hi. Galhang misi luang 106 te’ luang hawm lungkim huai leh thupitak kivui thei a, adang luang 11 te ahih leh tuni ciang dong kimu zolo in mangcip cih kiza hi.
![](https://tongsan.org/wp-content/uploads/2023/12/412646303_869673791300234_8031019617236443614_n-1024x1024.jpg)
![](https://tongsan.org/wp-content/uploads/2023/12/409913056_1607525949781603_1941693888470544743_n-1024x586.jpg)
![](https://tongsan.org/wp-content/uploads/2023/12/410027643_2075357282828963_4463134046055944683_n-1024x575.jpg)
![](https://tongsan.org/wp-content/uploads/2023/12/412402274_869673687966911_5767116657282693478_n-1024x786.jpg)
![](https://tongsan.org/wp-content/uploads/2023/12/385527863_893014842120638_2332509135173848002_n-2-1024x1019.jpg)
Hits: 3