Chin State, Tedim Township sung a om Khuaneu khatah December 21, 2023 ni-in “Ukna buluh (SAC) thuneihna a beina ding Mipi in Hanciam khawm ni” cih thulu tawh a (2) veina mipi thukimna leh deihna lakna hun thupitak kinei cih thu Tualsung Revolutionary te’ tungtawn in kizasawn hi.
Hih hun sungah Tedim township sung a om khuanu khuapa pawl khat leh khuamite kigawm mipi 120 val kipaikhawm thei a, Spring Revolutionary pawl leh a khangkhang a nuntakna piakhia Revolutionary galhang / salphate phawkna tawh Second 30 sung gamdaihna hun leh Galkap ukna a bei siangna ding galdona panmun tuamtuam ah galhangte zahtak piakna second 30 sung nei-in, mipite’n khut beng ziahziah in pahtawina nei cih kiza hi.
” Tedim khuapi a om mi honpi in gambup huam a SAC dona / langpanna pen a kithukimpihna in, a (2) veina mipite’ deihna / lungkimna lakna hun pi akibawl ahi hi. Tun zong Myanmar gambup ah akizel gawp hih ukna buluh (SAC) thuneihna khantom in, a sawtlo in abei siang mengmeng nading deihna tawh Tedim khuapi a om mipiten akinei aive ” ci-in Tedim township mipi kaihkhopna ah makai khatin genkhia hi.
Tulaitak in “1027 Operation Hualpi tawh kiton in gambuppi ah SAC galphual lakna leh Khuapi lakna a nei ahi; KIA, PDF Zoland, KNPP, KNDF, MNDAA, KNU, AA, ICNCC banah adang galdo pawl (Revolution Team) tuamtuamte tawh kipawl tawh mapankhopna lahna in SAC ukna a zung amal a beina ding thute kipulak ziahziah cih kiza hi.
Hits: 18
yandanxvurulmus.l6gxR90UMvrW
Fantastic post! Keep up the good work.If anyone wants to read the topic in more details then visit 8xbet