Sagaing Division, Tamu township, Myoma (12 /B) veng sung ateng U Let Min Thang @ Ko Thangboi (Kum 30) pen February 8, 2024 ni-in, SAC khutzat Pyusaw Htee makai Peaceful Painting khut nuai mite’n manin, thatlum bek tham loin, a luang hawm susiacip / selcip uh cih kiza hi. Ko Thangboi pen Moreh khuapi kiang a om khuaneu khatah Galtai in a bucip ci hi. Abeisa February 8, 2023 ni-in a tenna veng sung a om inn khatah Zawngtah lo/ lapak pen a ciah kik lam Tamu – Moreh gamgi No. 14, Gunlei ah Physaw Htee pawlin na man uh cih thu a sanggampa in genkhia hi.
Amah pen Gunlei kiang gammang tulak ah paipih in, Kawl biakna Tau kiang khatah thu om lopi in, thatlum bek tham loin kua mahin a theihlohna dingin a luang susiacip / mangcip sak uh ci-in, a innkuanpihte khatin genkhia hi. Ko Thangboi a sih lam kithei hak lua ahih manin, ama luang vuii bawlna leh hun bawlna zong February 11, ni-in kibawlsak thei pan cih a Upipa in genbeh hi.
Peaceful Painting ii nungzui Pyusaw Htee pawlin Tamu No. 14 Gunlei ah Gate bawlin a vaksuk a vakto khuamite nasiatak sum ngen uh a, a upmawh piante uh manin a thahlum uh himai cih thu khuamiten gen hi. Hih Ko Thangboi ii pa zong abeisa 2023 kumin Uham natna tawh a galtaina Moreh khuapi kiang India gam sung khuaneu khatah hong nusia khin ta cih kiza hi.
Hits: 14