Magwe Division, Gangaw District, Yaw region Defense Force (YPDF) 2 te SAC sawltak Pyusaw Htee ten mansak bek tham loin, a hingtang in a kihallupna dingin thupuak sim min kithei khia Daw Thi Thi Ayea @ Mee Thi pen February 10, 2024 ni zingsang lamin PDF pawlin mankhia ta cih kiza hi.
Abeisa 2023 November kha sungin Ukna buluh (SAC) leh Pyusaw Htee pawlte in Yaw PDF galkap Pho Tay leh Tha Thaung te lawmta pen manin, a hingtang in mei tawh hallum uh hi. Tua bang a hallupna uh Online Social Media tungah leitung bupin kimukhia hi. Hih mi nihte a kimatna ding thupuak simte sungah Daw Thi Thi Aye zong kihel cih thukiza ahih manin, zanni February 10, ni zingsang lamin Yaw PDF ten mankhia uh ahi hi.
” Tua nupi nu pen zan sungin SAC galkapte’ Camp ah giak denin, zingsang khuavak teh inn ciah hi. Tulaitak in thuneite’n kemin thusit laitak uh hi. Thukhun om bangin thukibawl in teh! A sawt loin thu bawlzia dingte kitangko / kithei khia ding hi” ci-in Yaw PDF khatin genkhia hi. Daw Thi Thi Aye pen Kan Pale khuami hi-in, Kalaymyo USDP ah member khat ahi hi. A pasal zong SAC galkap ulian khat cih kiza hi.
Hits: 8