Ukna buluh (SAC) galkapte’n Myanmar gam sung mun tuamtuam ah a galdona uh guallel kisa lua mahmah ta uh ahih manin, thukhensatna thak khat bawl uh cih kiza hi. Tua thukhensat pen Khangno kum 18 tungsiah gammi khempeuh in galkap lut loh phamawh ding cih thu pulakna nei uh a, tua thu pen lawp takin zuih ding hi, ci-in SAC thugenpi General Zaw Min Tun (Deputy Minister of Information) in February 11 ni-in tangko khia hi.

General Zaw Min Tun in, “Tu laitak i tuah khak galkidona tawh kisai-in gam mipi khempeuh galkap nasepna ah lutloh phamawh (Militia Strategy system) ta hi “ ci-in General Zaw Min Tun in genkhia hi. Galte tungah gualzawhna / do zia (strategy) dingin mipi khempeuh galkap tum a, Civil Service Act pen lawp takin zuih pelmawh ding cih thu General Zaw Min Tun in genbeh hi.

February 10 ni-in ukna buluh (SAC) Chairman Senior General Min Aung Hlaing in Civil Service Act zat ding thu apiak khit phetin, General Zaw Min Tun in hih Act tawh kisai pen SAC Policy a khahkhia media-te tungtawn in a genkhiat ahi hi. Ukna buluh (SAC) leh PDF mipi galkapte pen adiakdiak 2023-kum bei a kipan gam sung mun tuamtuam-ah kidona nasia mahmah uh a, SAC lamte’ battalion tampi tak PDF pawlin busim in lakkhiat sak mang uh hi. SAC galkapte zong guallel lua uh ahih manin, Battalion / Camp nusia in a honhon in India gam nangawn ah taimang uh hi.

Hits: 8

Byadmin

Leave a Reply

Your email address will not be published. Required fields are marked *