1) Pasian in Adam abawl in Eden huan uksak (gamvai) a, huan lai a singgah nek loh dingin thukham (biakna) tawh pantah hi.
2) Joseph pen Egypt atun khit ciang Pasian in Egypt gam thuneipi (politic) in koih a, biakna (religion) tawh Pasian minthangsak hi.
3) Moses in Egypt pan Canaan gam dong Israel te makaih (Politics) a, a upa Aaron in biakna lam siampi sepna (Religion)) sem in kikhen hetlo uh hi.
4) Topa Zeisu in Ceasar (Kaisar) sum Ceasar pia un ci-in, (gamthu kiukna), tawh semin, cina a damsak ciang biakna vai siampi (Religion) tawh kilaksak hamtang hi.
5) Constantine in AD 4th Cent in Mexantus galdona ah zo-a, kumpi nasem in biakna leh gamthu luangkhawm sak in Christian lopeuhmah office nasep pialo hi. Pope Benedict XVI leh Jurgen Habermas (German philosopher) te kimuhna lianpikhat nei uh a, laibu, “The Dialectics of Securalization: On Reason and Religion” in bawlkhia uhhi. Hihpen adiakin 1939 madeuh a Adolf Hitler in German ah Nazi movement hangin mitampi athahna hangin Biakna siampite’n panmun alakdan uh etkikna hi.
6) 1914 in Archduke Franz Ferdinand, Austra te kithat in Galpi Khatna pianlawh a, German pastor minthang Bonhoeffer in makaih in Nazi (Hitler) te adiklohna genin mipi dinpih in sihlawh hi.
7) S. Korea gam Kawlgam sangin azawng zawpek hi-a, kumpi hoihlo Galkap thuneihna alangpan’ mipi te, Pastor te in dinpih in pastor tampi sihlawh aa S. Korea leitungah gamhoih penkhat in kiciamteh in missionary tam akhahpen (US zom ah) hita hi.
Kawlgam mi, adiak diakin Zomite Gamthum na tuntheihna dingin Kawlgam Galkapte’ bawlsiatna hang hi-a, tua sungah adiakdiak in Pasian nasem Pastor te bang biakna (Christian upna) Galkapte’n kibawlsia cih tawh UN pan suahtakna (passed) pia hi.
9) US politic vai ah Pastor minthang teng mah in anung pan (backup) uh a, Trump bangin pastor 25 advisor in nei hi. Trump akideih na secret tua hang ahihi.
10) Kawlgam Galkapte’n mipi abawlsiat lai teng pastor ahi a, ahi kei zongin ei thuak zahin thuakpih a, nasakpih ding ahihi. (huh theihna a om kei phial zongin). Gam khangtote ah Pasian nasemte mahin a nungthuap (backup) ciang bekin thupha ngah pan uh ahi hi.
Thukhupna:
Zogam ah Christian upna a om ma in, Dawi biakna kizui-a Khua akisat ciangin zong Sa kigo in Siampu (biakna sia) in phuisam in tua ciang Khua uk / hausa ding (gamvai) kikoih hi. Kawlgam Buddhist Galkapte’n hong bawl sia hi cih political reason tawh Gam thumna atung Pasian nasem diakdiak te bang’ Khavai kei e ci a ih thudon kei vial leh dahhuai leh khasiathuai bek tham loin maizum huai pha mahmah zaw tham ahi hi.
Tua hi a, kei suakta peuh leng cih tawh minam khangto ngeilo hi. S. Korea te hih zah a thupha a ngahna uh pen Pastor tengin Gam makaite apan pihna hang ahihi. Zomi Pasian nasemte Topan hong makaih ngiat ta hen!
By: Dr. Jeffrey Pau Do Lian, USA
Hits: 9