August 6, 2023 || Tongsan Media Group ||
Chin State ah Chin National Council (CNC) pen Mindat Township Public Administration (MTPA) te’n tuni August 6, 2023 ni-in pulak khia uh hi. Galkap thuneihna / ukna a zung amal in do ding, ahi ciang khat gualzawhna lampi a kihon banah mai lam Chin mipite’ ading gamvai lampi sial zawhna ding, Federal Democracy vai, ei le ei zing vaihawmna (Self-determination), mihing suahtakna leh ngah ding kilawm hamphatnate (human right) leh nasepzia ding lampi sialnate mitmuh theih gamvai tawh kisai kipawlna akisapna zui-in, CNC Mindat kipawlna kiphuankhia ta cih kiza hi. Hih kipawlna ah gamsung gampua a om Revolution asem mipi khempeuh kipawlkhawm hi-in, hih Chin National Council (CNC) pen Chin state sungah thuneihna sang pen a nei ding kipawlna hi ding ci-in genkhia uh hi.
Chin State, Mindat Township in Federal Democracy ading galdona ah mipi galkapte’ tung pan mimal angsung ngaihsutna cihte ngaihsutna om kilkel loin, gal kido (Revolution) ahihna, Mindat township sung ki-ukna lam, kidalna -galkap lam, thukhenna lam, security lam leh mihing kihuhtuahna (humanitarian) lam cih nasepnate kipumkhat in limtak sepkhiat theihna dingin gamsung gampua a om Galdo mipite khempeuh mapankhopna tawh kiphutkhia ahihna thu kipulakkhia uh hi. Chin National Coulcil – Mindat kipawlna zia tawh kisai dot cianna kinei-in, Chin Defense Force thuneite leh khuasung a om PDF ah kihelte pawl khat thudotna kinei a, kizom thei nailo leh thu kician kizathei nailo hi.
Source: People’s Spring
Translated: Tongsan Admin Team
Hits: 5