Chin National Front (CNF) Makaite leh America gam a om Chin Peace and Reconciliation Initiative – CPRI te in Chin mitn puate khempeuh kipumkhatna ding lunggulhna tawh abeisa November 1, 2024 ni-in Indianapolis khuapi a om CBCUSA office ah kimuhkhopna nei uh cih kiza hi.
Tua kimuhkhopna ah CNF makai lam pan President Pu Zing Cung, gampua lam a om CNF Secretary Pu Bawi Lian Mang leh CPRI-America makai lam panin President Rev. Dr. Biak Lian Thang, Vice President Rev. Dr. Ceu Lian Thang te’n makaih uh ci hi.
Kimuhkhawmna ah Chin mite’n Myanmar revolution malakna ah tulaitak dinmun sangin thahatzaw, picing zaw a kalsuan theihna ding leh kithutuak takin mapankhop theihna ding bulphuh in nasiatak kikupna nei uh a, a paikhawm makai tengin lungkim leh lawhcing sa mahmah uh ci hi.
Tua banah CNF President Pu Zing Cung in Chin Evangelical Baptist Church (CEBC) leh UCCF makaite tawh kimuhkhopna nei thei bek tham loin, CNF ading a panpihnate hangin, lungdamkohna thugenna lungkim huai takin nei thei ci hi.
Hits: 3