July 4, 2023 || Tongsan Media Group ||
Manipur State sunga Meitei (Kaate) te leh Zosuan ahi Kuki-Zomite’ kikal buaina tungtang ah nisim in khauhpai semsem a, July 3, 2023 ni-in Meitei singnuai mi PLA, UNLF leh Meitei ngongtat migilo pang khawmte in Zosuante’ omna khua Langza leh Chinglangmai khuate ah Inn 30 leh Independent Church of India (ICI) biakinn khat mei tawh haltum sakin susia gawp uh cih kiza hi.
Tua banah Hmar tangval David Theik pen that lum bek tham loin, a pumpi teng a semnen dikdek khit teh a ngawn tankhiat sakin a, a lutang khua nawl singtung ah suang uh ci hi. A lawmte Zosuan mah ahi Kom minamte mi nih zong Meitei ten man uh a, koi lamah paipih/ bangci bawl cihte kithei nailo cih kiza hi. Hih bang gamtatna in leitungbup a om Zomi / Zosuante khempeuh lungsim hong naa sak mahmah cih kiza ahih manin, omna mun ciat pan Topa’ mai zong khawm ding hi hang cih tangkona kinei hi.
Source: Tahan News
Posted: Tongsan Media Admin Team
Hits: 6