Homalin Township, Taungtut Model village ah phualsat a om SAC galphualte PDF galkap pawlin busim in, lakhiazo uh cih thu NUG kumpi, Ministry of Defense (MOD) zumpi in pulakkhia hi. Taungtut Model Village pan SAC Campte pen January 5, 2024 ni zingsang (06:00am) hunin No. (1) Special Battalions of the People’s Defense Force, Sagaing Special Military Area Command, District regiments, leh Pah Kah Phah te kipawlin dokhawm uh cih kiza hi.
Ministry of Defense zumpi te’n kidona vai tawh kisai akipatcil in pulakkhin uh a, ahi zongin a kician sitset in genkhiatna om nailo hi. Gal kikapna Photote ah Taungtut khua a om SAC khutnuai a om Police Station leh Militia Campte kibusimna Photo vive kimu hi.
Homalin Tonwship ah abeisa December 19, 2023 ni-in zong Zipintha, Naungsan Kyin leh Tilaung khuaneu kim pan SAC leh Shan Ni kipawlkhawmte’ galmai nawkna Camp phual 2 te PDF kipawlkhawmte’n busim in lakhia uh hi. Tua banah Homalin Township sung a om Shwe Pyi Aye khuapi pen PDF galkapten busim in lakhia uh hi.
Hits: 1