Northern Shan State, Kutkai khuapi a om SAC Camp busim in, lakhiazo banah Kutkai khuapi zong ukcipzo ta ci-in TNLA Thuthak saiten genkhia uh hi. Kutkai Khuapi a SAC galphual (Camp) pen abeisa December 2023 sung akipan TNLA in busim in do ngekngek uh a, ni 10 sung ado khit January 7, 2023 nitak lamin lakhiazo taktak ta uh hi.
“Kutkai SAC Camp pen zanni in Strategic Hill ah lutin nasiatak kikap khitteh Camp kilakhiazo hi. Tulaitak dinmun bel Kutkai khuapi pen ki-ukcipzo dinmun ah om ta suak hi” ci-in TNLA Information Department pan thugenpi in pulakkhia hi. Ahi zongin Galvan ngahna tawh kisai bel amalmal in kisimzo nailo ahih manin, pulakna kineitheilo ci hi. ” Tu’n bel Kutkai khuapi akihel Khuapi 7 kilakhiazo ta ” ci-in TNLA in a ngahkhiatsa khuapi phazahte pulakkhia hi.
Zanni Janaury 7, ni-in Thei Ni khuapi a om Dah Kah Sah (16) phualpi (headquarters of the Thein Ni Operations Command (SKK-16) zong kilakhiazo ci-in the Three Brotherhood Alliance pawlin genkhia uh hi. Thein Ni khuapi a om SAC Camp teng lakah hih bek mah a om lai suak hi. Kutkai khuapi pen ” 1027 Operation” kipatcil pek akipan Three Brotherhood Alliance te’n a ukcipsa uh ahi hi.
” Thein Ni khuapi bel ko, TNLA pawlte’ lakkhiat hi loin, zanni in Alliance pawlin a lakhiat uh hi ” ci-in TNLA Information vaipuak neite’n genkhia hi. Khua mi khatin a genna ah, ” Thein Ni pen zanni pekin Alliance pawlin lakkhiazo uh hi. Tuni in bel kikapna thauging cihte kiza nawn kei. A thupi pen ah galtaite inn ciahkik theihna dingin vaihawmsak ding mah hipen hi. Hih vai mah limtak huh huai penpen himai “ ci-in genkhia hi.
Hits: 17