August 26, 2023 || Tongsan Media Group ||
Kachin Independence Army (KIA) phualpi Laiza kiang Madian ah tuni August 26, 2023 ni-in KIA leh Ukna buluh (SAC)te nasiatak kikap uh a, SAC galkapte cimawh mahmah uh ahih manin, nitak lamin Vanleng tawh tam veipi bomb khiat uh cih Kachin region galvai thusaite’n gen uh hi.
August 26, zingsang (9:00am) hunin Ukna buluh (SAC) galkapten gal mai nawt uh a, KIA ten zong khakcip in, SAC lam te’n guallel lua uh ahih manin, nung kik uh hi. Nitak lam (4:00pm) hun akipan Vanleng tawh 4 vei sang tawm zawlo ding bomb khiat uh cih Kachin galvai thuthak saiten gen hi.
” Nitak 4:11pm, leh minutes 16 hunin bomb hong khiat uh hi. Vanleng bel Myitkyina pan hong leng hi. Amau (SAC) lamten nak lelh lua uh” ci-in Kachin region galvai thusaiten gen hi. Tua banah nitak lam (4:20pm) leh minutes 25 ciangin Myitkyina Vanleng galkapten Jet Fighter 2 tawh bomb khiat leuleu uh ci hi. “Ko lam pan a si aliam omlo hi.SAC galkap lamten bel nak lelh mahmah a, battalion Commander zong liam cih kiza ” ci-in Kachin Region galvai thusaiten gen hi.
Kachin State, Wai Hmaw township, Nam Sanyang area teng SAC ten abeisa July kha akipan galdo uh a, Madian akipan Myitkyina – Ba Hmaw lampi tengah kikapna khauhpai mahmah hi. Hih mun tengah khakhat sung nasiatak kikapkhit teh tawlkhat sung veng pak a, tuni August 26, 2023 ni-in SAC galkapten Madian kim tengah lut kik a, kikapna kipankik hi. Namsanyang leh gamgi kim teng kikapna ah SAC galkapte guallel lua uh ahih manin, Thaupi a zat banah vanleng tawh kap ziahziah uh hi.
Source: People’s Spring
Translated: Tongsan Admin.
Hits: 16