August 26, 2023 || Tongsan Media Group ||
Maxico gam laizang Cuacnopalan – Oaxaca highway tungah abeisa August 23, 2023 ni-in Bus tuahsiatna khat omin, mi 16 si-in 36 liamna ngah uh cih thuneiten gen uh hi. Khuamite leh nasem ding a kuankhia a pua Bus pen Oaxaca leh Puebla State kikal gamgi highway tungah Mawtaw saupi te khat tawh kiphukha ahihna thu Mexico kumpi thukhen zumpiten pulakkhia uh hi.
Tua Mawtaw kiphutkhakna a hangin pasal 8 leh numei 8 sang tawm zawlo si uh a, naupang 1 kihel hi. Liamna ngahte Puebla khuapi a om Zatopite ah kipuakin kibawl uh hi. Mawtaw kiphutkhakna ahang bulpi kitheician lianlo a, ahi zongin kuaten vaipuak nei cih khensat theihna ding thu thei makaiten a kansan laitak ahihna Kumpi zum lam vaisaiten gen uh hi.
“Liamna ngahte pen kipawl in huhna piak ding zumlam thunei makaiten kei hong sawl hi” ci-in Oaxaca State ukpipa (the governor of Oaxaca) ahi Mr. Salomón Jara Cruz in ama Twitter ah mipite’ theih dingin pulakkhia hi. “Misite’ innkuante kawi-in, dahpihna thu puak hi. Huhna le panpihnate zong kipia ding hi” ci-in Puebla ii Home Affair Ministry in gen hi. Tua banah dongtuakte koici bangin huhna puak ding cihte Federal government Agencyte leh State thuneite tawh kizopna kineih laitak hi ci hi.
Source: CNN News
Translated: Tongsan Admin Team
Hits: 7