July 29, 2023 || Tongsan Media Group ||
Chin State, Matupi khuapi Matupi leh Hakha lampi tung ah Military Council huam sung a om township Police Sub. Lt. khat a galvante tawh CDF Matupi ten man uh hi. “FaNain leh NgaNain khua pen Military Council te’ phualsatna huam sung hi-in, amau lam panin suakta takin ong lut thei ziau uh hi. VIP hong pai ci-in man bek tham loin, Military Council galkapte’n kap tawh hong thuah pah uh ” ci-in CDF-Matupi pan thunei khatin gen hi.
Abeisa July 26, nitaklam (3:30pm) hun pawlin Matupi township, Matupi leh Hakha kikal lampi tungah om FaNain khua leh Matupi District office kikal a, Military Council galkapte’ giah phual CDF-Matupi-ten buluh in nasiatak kikaptuah uh a, Matupi township, police sub. Lt. Chan Myint Aung (Army No. Lah- 231908) pen a galvan tawi 6, pistol 1, grenade bomb 2 leh thautang 58 cih teng tawh pum man uh hi. CDF- Matupi lamte a si leh aliam abai om loin, kimtak ciahkik thei uh ci hi. Amat pa uh Police sub. Lt. Chan Myint Aung pen akisam bangin thu bawl ding uh cih kiza hi.
Hits: 8