August 12, 2023 || Tongsan Media Group ||
Monywa khuapi ah Thau tawi mi pawl khatin Temta lakin ngongtatna tawh mi thahna Thantaw gunpiau (Peninsula) a teng Ma Aye Nyein Thu (Kum 25) leh a gil sung a om a tapasal luang hawm pen tuni August 12, 2023 nitak lamin a teenna khua Hanmual ah kivui cih kiza hi. Hih sihna tungtang ah Monywa khuapi a om mipi tampitak in hanmual ah zui zihziah uh hi.
Naupaii nupi pen abeisa August 10, 2023 nitak 3:00pm hunin ngongtat honkhat in a tenna inn sungah va buluh in, thau tawh kaplum uh hi. Ngongtat buluhte pen Monywa township mipi kem pawlte (Public Security Group) ii nuai a om kipawlna khatin va mankhia thei pah cih thu Public Security Group te’n pulakkhia uh hi. Nupi naupaii nu that lum ngongtat migilo pasal 6 hi uh a, a Phone leh Cycle zong ngongtatten laksak uh hi. Mipi galkap (PDF) a kineih khem migilo pasal 6 te pen kimanzo ta cih thu Monywa Guardian Force galkapte’n pulakkhia hi.
Tua kipawlnate in Dalan te a notkhia pawlte hi ung cih min kipia in, mimal kimuhdahna tawh mawh neilo khuamite manin thatlum uh cih thu ahi a, Revolution min phiat khiatna dingin hiamgam nasepna abawl ukna buluh (SAC) te tawh kizom kipawlna hi ci-in, Monywa (Pah Hla Phah) pawl pan vaipuak nei khatin genkhia hi.
Source: People’s Spring
Translated: Tongsan Admin Team
Hits: 3