August 27, 2023 || Tongsan Media Group ||
Myanmar gam a om East Timor tawh kizopna sikzumpi (East Timor Embassy) ah nasemte a nunung pen mai September 1, 2023 n ciangin paikhiat sak ding ci-in, tuni August 27, 2023 ni-in ukna buluh (SAC), Ministry of Foreign Affairs te’n tangko khia uh hi. Ambassadorte’ sung pan akingah sawn Portugese pansan thuthak sai (Lusa News agency)te’ kiang pan kingahsawn ahi hi.
Tualaitak Myanmar gam buaina pen ASEAN in a genpih / a lepzawh masiah East Timor gamte ASEAN kipawlna ah member in lutlo ding ahihna thu East Timor Prime Minister Xanana Gusmao in abeisa August 3, 2023 ni-in genkhia hi. National Unity Government (NUG) ii gamdang lam vaisaipinu Daw Zin Mar Aung leh adang thuneite East Timor kumpi thak lopni in a sapnate cih thute akipan Ukna buluh (SAC) ten hih bangin East Timor ambassador te a hawlkhia ahihna thu SAC ii Ministry of Foreign affair zumpite genna pan kizasawn hi.
East Timor President Joes Ramos Horta in bel amau gam mihing suahtakna a dalna ahih manin, Myanmar ukna buluh (SAC) in amau gam pan Ambassador te a hawlkhiatna pen East Timor kumpi lam pan a lungdam zawkna thu a genkikna Lusa News agency ah kigelh hi. SAC foreign affair in bel hih thu tawh kisai official pulakna nei nailo ci hi.
East Timor in bel Myanmar gam buaina tawh kisai ASEAN in a leptuah nasepnate thukimpih gam khat ahihna leh hong tung ding 2025 bei ma ngeingei in, ASEAN member khatin lut ding ngaihsutna aneihna thu East Timor President Jose Ramos Horta in genkhia hi.
Source: VOA Burmese
Translated: Tongsan Media Admin Team
Hits: 6