August 16, 2023 || Tongsan Media Group ||
Karen State, Myawaddy township, Letkhat mual ah galsim a kuan khia Ukna buluh (SAC) galkapte pen PDF kipawl khawmte’n na do uh a, SAC lamte Major 1, Captain 1 akihel galkap 15 si bek tham loin, galvan tampi ngah uh a, PDF kipawl khawmte lam pan zong 2 si-in, 5 liam cih Cobra Column te’n gen khia uh hi.
Zanni August 15, ni zingsang tung (03:00am) hun akipan kikap uh hi a, Myawaddy khuapi pan Letkhat mual tung lam SACte’n thaupi tawh kap ngetnget uh banah Vanleng zong tawh nasiatak do uh hi. SAC galkapte pen Cobra Column PDF te leh akipawlpih te’n na kap tuah uh a, SAC lamte Major 1, Captain 1 akihel galkap vekpi 15 si uh a, 21 liam cih kiza hi. Tua kikapna ah ukna buluh (SAC)galkapten Thaupi 300 vei val, Gal vanleng tawh 3 vei, Mi-35 (attack-Helicopter) tawh 3 vei cih bangin kap uh cih thu Cobra Column ten pulak uh hi.
Kikapna sung pan SACte’ zat 60 mm Commando Thau lawng 1, MA Sniper 1, MA4 te 2, MA3 te 3; MA 2 te 4; MA 1 te 1; M16 te 1; MA thautang bawm 53, MA 2 Thautang bawm abemte 4; M16 Thautang bawm 2, 5.56 5200 cartridges 5200; 7.62 NATO Thautang tawn 2650; MA sniper Thautang bawm 1, 60mm bomb tang 36; RGP bomb tang 9; RGP Pyongyan mal 8; 40 mm bomb tang 57; Thaupi (carp spear) lawng 2; kizopna set (Communication device) mal 1; cih teng ngah khia uh cih kiza hi.
Ukna buluh (SAC) galkapte lam pan Thaupi tawh nak kap luatna hangin kizopna Tower leh biakna Innte kisiat banah Revolution Alliance lam pan zong PDF galkap 2 in a nuntakna uh manpha takin piakhia uh a, 5 liam cih thu Cobra Column te’n pulakkhia uh hi.
Source: People’s Spring
Translated: Tongsan Admin Team
Hits: 6