Shan State, Naung Cho Township, Kyauk Mee Lay khuaneu ah kikapna khauhpai semsem in, SAC pawlin khuaneute Thaupi leh vanlam tawh kap ngekngek uh cih thu PSLF / TNLA Information Department in pulakkhia hi. Tuni January 8, ni-in Naung Cho Township, Kyauk Me Lay khuaneu ah SAC galkapte leh PSLF /TNLA, MDY-PDF kipawl khawmte nasiatak kikap uh cih kiza hi.
Kut Khaing Township sungah SAC galkapte in Yan Aung Myan, Pan Chah Zaw khuaneute Y-12 vanleng tawh 8 vei, bomb tang 25 khiat uh a, Lashio Township a om SAC galkapte in 68 Gate a galkapte’n Ho Laung khuaneu kim khuateng Thaupi tawh 16 vei kap ziahziah ci hi. Tua mah bangin Naung Cho township a om SAC galkapte’n zong Tungse khuaneu pen Thaupi tawh 5 vei kap uh ci hi.
Zanni January 7, ni in Lashio township Mai Yaw khuaneu ah kikap/ kidona omlopi in, SAC galkapten vanlam tawh a khauh mahmah pound 500 bomb namte khia uh a, teenna inn tungah kia sukin puakkham ahih manin, tualsung mi numei 4 si-in, inn 20 kisia gawp cih kiza hi.
Hits: 2