August 19, 2023 || Tongsan Media Group ||
Netherland leh Denmark gamte in Ukraine tungah gal vanleng (F-16) Jet Fighter te a piak theihna ding America te’n kipsakna nei ta uh cih thu America leh Europe gam a om thuneite’n gen uh hi. Ukraine gam ah a khatveina F-16 Jet Fighter te bang hun ciang tung thei ding cih kicianlian nailo a, Ukraine Pilot te’ kisin hun ding a tawm pen kha 6 sawt dingin gen uh hi.
Gal kidona olno tak a zawh theihna ding nitumna gam (EU) ten khuahun tawh kituak gal vanleng (Modern Jet Fighter)te apiak / huh zawhna ding Ukraine in a nget zawh sawt khin ta hi. Ukraine gamin asawt nai hetlo lai-in, Vanleng kapna omlo pi-in, Russia te nak sual mahmah uh a, ahi zongin Russia galkapte’ galvanleng leh Thaupi tawh a kapnate thuak lah mahmah uh hi.
Ukraine galkapte’ galvan zatte pen nidang hun lai pek a Russiate’ zatte vive ahih manin, Russia bawl Jet Fighter huih lak akilawn Rocket tangte thuak zolo / dal zolo hi. ” Hun thak galdo zia (Modern warfare) vanlam siamnate kihello in, gualzawhna kingahzo ngeilo ding hi” cih No. 18. Airborne Division pan spokesman Captain Yevgen Rakita in gen hi.
Ukraine vanleng hawl (Pilot)te in kisinna aman khit uh ciangin, F-16 Jet Fighter te Ukraine gamah a manlang thei penin kipuak ding cih thu America in gen hi. U.S. Secretary of State Anthony Blinken in tukal sungin Netherland leh Denmark gamdang lamsaite tungah theihsakna lai khak khin a, Ukraine ah F-16 Jet Fighter te piakna / apna ding tawh kisai gam 3 te’ tung pan ngetna khempeuh kipasak theihna ding kisem khin ta hi ci-in kamciam piakhin ta hi.
Ukraine vanleng hawl (Pilot)te kisinsakna pen tukha (August) sungin kipanthei ta ding ci-in, Dennish Defense Minister Mr. Jakob Eli Manjensen in gen khia hi. Western European gam 11 te ahi; Netherlands, Belgium, Canada, Denmark, Luxembourg, Norway, Poland, Portugal, Romania, Sweden leh Britain gamte in F-6 Jet Fighter te lensak theihna ding Ukraine pilot te kisinsakna July kha sungin kamciam nei khin ta hi. Ukraine Pilotte in F-16 te a hawl theihna ding Kha 6 – 8 ciang kisin kul cih thu thuneiten a beisa in genkhia khin uh hi.
Source: People’s Spring
Translated: Tongsan Admin Team
Hits: 7