August 17, 2023 || Tongsan Media Group ||

Pakistan gam nisuahna lamah Christian thuzui pawlkhat kikhopna biakinn pen August 16, 2023 ni-in Islam biakna zui mipite lutin suksiat sak uh hi. Tua Christianlte’ sungah mi 3 in Islam te’ Laisiangtho Koran gensiatsak cih thu tawh mawhsak bek tham loin, Biakinn suksiat sak uh a, mi’ tenna innte zong halsak uh hi. Pakisatan palikte’n Jaranwala area ah Christian thu-ummi 2 pen biakna gensiatna thu tawh mawhmat in, mipite’n nasiatak bawlsia uh cih kiza hi.

Hih thu hangin mawhsakna thuak mi 2 te’ innkuanpihte samin mun muanhuai lamah taikhia cih thu Police ten gen uh hi. Pakistan Police te’ ciamtehna ah Koran Laisiangtho bu tungah akilawmlo ciaptehnate Laitui san tawh kigelhna mukhia uh cih pulak uh hi. Christiante’ innte leh biakinn te a suksiatsak mipite pen Tariq Elbaik Pakistan akici Islamic Political Party (TLP) te’ inntel biakna Siaten makaih uh cih thu Pakistan kumpi Thukizakna khatin pulakkhia hi.

Tua bang a kigenna pen TLP party lam panin bel nial uh hi. Pakistan gamah biakna kigensiatsakna pen Gawlkhai ding kilawm khialhna / thukham om a, tulaitak ciang bel Gawlkhai a tuak lian om nailo hi. Ahi zongin a lungkimlo / hehsuak Islam mipite’ khutma tawh mipi muhna ah mawhsakna thuakte kithahna thu tampi om ta hi. Pakistan gam Prime Minister Mr. Anwar ul Haqqar, in bel August 16 ni a piang mipite’ ngongtat buaina ah thunei / mawhna bawlte nasiatak thu kibawl ding ci-in gen hi.

Source: CNN & One News

Translated: Tongsan Admin Team

Hits: 6

Byadmin

Leave a Reply

Your email address will not be published. Required fields are marked *