August 22, 2023 || Tongsan Media Group ||
Thailand gamah a (30) na Prime Minister thak kiteelna ah Inn leh innmun nasepna tawh mihau Pheu Thai Party’s pan Mr. Srettha Thavisin in mee (vote) akicing ngahna tawh tuni August 22, 2023 ni-in Thai PM teelcing hi. Mr. Thavisin in Thai gamah abeisa kum 10 lom khat val sungah Thai galkap kumpite tawh kizopna om loin, mihau khat Prime Minister ahih hangin, Democracy deih mipite in a genna ah, “Mee (vote) kicing tak angah theihna dingin ukna buluh galkap makaipi General Prayuth’s party leh ukna buluh nihna General Prawis te’ party 2 tawh akipawlpih party 11 te’ sungah akigawmkhop manin, Prime Minister (PM) a ngah / a suakzo bek ahihna leh galkapte’ teel (Military upper house) Senator 249 te’ tung pan mee (vote) a ngahzo bek hi “ ci-in gensiatna tampi om hi.
Akipawl khawm party (Alliance party) 11te’ mee (vote) kigawm vekpi pen (314) hi-in, Upper House senator 249 teng sung pan a tawm pen mee (vote) 60 a piak manun, Phue Thai Party te’ a teel pa uh Mr. Srettha Thavisin in mee (vote) 482 tawh Thailand Prime Minister (PM) a ngah thei ahi hi. Phue Thai Party (PTP) te’n abeisa hunin a gal uh ahi Ukna buluh Thai galkapte’ party tawh kipawlkhawm (alliance) ahih manin, Gamvai tawh kisai a kikhaktannate pan lampi kihonna, kithutuahna / kitelsiamna amanlang a om theihna ding ngimna tawh kisemkhia hi ci-in gen uh hi.
Tua banah tuni August 22, ni lian-in, kum 15 sung gamdang a taimang / a bukcipna pan c ciahkik Phue Thai Party makaipipa PM lui Thanksin in Thailand lut kik-in, kum 8 thong kia ding ahihna ah Phue Thai Party kumpi thak akiphuatkhiat khitteh thongkiat hun khiam ding (or) Khahkhia pah ding uh hi cih akigen ngeingaite zong thumanlo ahihna pulakkhia hi.
Source: Burma Media Consortium
Translated: Tongsan Media Admin Team
Source:
Hits: 7