Chin State, Tedim Township, Thuamvum (Kannedy) mual a om Ukna buluh (SAC) te’ galphual pen tuni June 18, 2024 ni zingsang lamin SAC pawlin Ngah kik leuleu cih thu Tedim khuamite’ tung pan kizasawn hi.
Hih Thuamvum galphual pen abeisa 2023 November kha sungin, PDF- Zoland te in lakhiazo uh hi in, SAC te’n hanciam leuleu uh ahih manin, tuni June 18, 2024 ni zingsang lamin SAC in ngah kik uh hi. ” Tuni zingsang lamin SAC te tawh kikapna om a, amau lam galkap tha leh galvan nasiazaw ahih manin SAC in luahkik suak phot uh ” ci-in Revolutionary thuthak saite in gen hi.
Thuamvum (Kennedy) a ngah kikna dingin SAC lam pan galkap 100 val tawh tukha June 15, ni akipan kuanin galdo ngekngek uh ci hi. Hih Thuamvum (Kannedy) Camp ahih leh abeisa November 21, 2023 ni-in, PDF- Zoland in busim in ngahkhia bek tham loin, SAC galkap 13 hingmat in, 3 kaplum uh hi. PDF-Zoland lam pan zong galhang khatin a nuntakna bei lawh cih kiza hi.
Hits: 6