Karenni State, Bolakhe Township ah SAC galvanleng khat Karenni Revolution pawl in kapkhia hi, ci-in Commander-in-Chief Colonel Boorn Naing in pulak hi. May 6 ni zingsang nai 10 khit deuhin Pha Song Township-ah galhuh SAC gal vanleng khat pen Karenni Revolution pawl in Bolakhe Township kiim ah kapkhiatsak uh hi.

“Vanleng kapkhia cih a takpi mah hi. Meikangsa in kiasuk vingveng hi ven! Pha Song khua leitaw lam-a om Bolakhe strategy leilum lam a khak ciang, strategy lamah lengto kik. Tua hang-a Bolakhei a tun ma a kia suak ve’m. A kiatna mun lian bel a kician in kithei nai kei. Kizopna zong hamsa hi. A mun a kitel nai loh hang, vanleng kia cih bel kipsakna kinei thei suak hi. A masa-in zingsang (10:00AM) kiimin Jet Fighter tawh bomb hong khiat uh. Tua zawh minutes 10 khit ciangin, Karenni khangnoten kap uh. Tua a kia vanleng pen MI-15 hi’n teh. Ko bel a tam zaw a mailam-ah point 5 la zel.” ci-in Karenni Army (KA), Commander-in-Chief of the Karenni Army, Colonel Boor Naing in genkhia hi. 2021 kum ukna buluh hun a kipan SAC te’ nek leh dawn ding a puak vanleng, gal vanleng kigawm vekpi 7 bang Revolution pawl in kapkhia khin uh a, tutung-a kikapkhia tawh 8 cing ta hi.

Hits: 2

Byadmin

Leave a Reply

Your email address will not be published. Required fields are marked *