August 27, 2023 || Tongsan Media Group ||
Sagaing Division, Ye Oo township ah Ukna buluh (SAC)ten gal mai nawkna mun 2 in kikhen uh a, tuni August 27 ni-in khuaneute ah ban lutin khuamite phial kap uh ahih manin, khuaneu vekpi gawm 13 pan tual sung mipi 14000 val inn leh lo nusia in galtai uh cih thu khuamiten gen uh hi.
Ye Oo khua sung ah Khah Mah Zah- 701, 702, 708 teng sung pan galkap mimal 100 kim pha uh a, tuni zingsang 06:00am hun pawl akipan Ye Oo khua nitumna lam a khuaneu tengah lutin Thaupi, thauneu tawh phial kap gawp uh hi. Tua hangin Than Taw village, Nuff village, Ywa mitta village, Gone Tan village, Naw Gone village, Gone gyi village, Gone Tha village, Ywa thit village, Chan Tha village khuate pan khuamite taimang uh hi.
Tua hun sung mahin akizom in galmai nawkthak khat in Ye Oo khuapi leitaw lam huam a om khuaneute ahi; Ywa Ta Lay village, Koku Suh village, Parih Katchiah village, Leih sone village te pan khuamite zong taikhia mang uh ci-in khuamiten gen hi. Ye Oo khua sung pan a paikhia Ukna buluh (SAC) galkapte pen Mittha Village kiangah Thaupi leh thauneu tawh tatsat loin kap uh ahih manin, khuamite kitaikhia mang ci-in khuami khatin genkhia hi.
” Tu’ in Ywatha khua hong tung ta uh a, Thauneu tawh khua kiang teng kap kipan ta uh hi. Thaupi bel tawh lawng 5 hi ta in, nasiatak kap ziahziah hi. Chan Tha khua ciang dong mipite kitaimang ta hi. Ye Oo khuasung pan a paikhia SAC galkapte pen Ngey khua kiangah Mipi galkap (PDF) ten Landmine siahin kap uh hi” ci-in khuamite in genbeh hi.
Hih vai tawh kisai-in, SAC Sagaing thugenpipa (Region spokesman) ahi U Tin Than Win (Minister of Natural Resources) pen RFA Media ten phone tawh a dot hangin phone len nuamlo ci hi. Abeisa August 22, ni RFA Media in adot masak ni-in, Sagaing Region sung Security asepna tawh kisai adotna aha kicianin kitheilo ci-in U Tin Than Win in gen hi.
Ukna buluh (SAC)ten ukna a lak zawh kum 2 leh alang sungah Ye Oo township sungah Khuaneu 53 pan inn 3300 val mei tawh haltum uh a, Mun leh gam vaan cih paulap in, khuamite bawlsia in kap thapai den uh ci-in khuamiten gen hi.
UN mihing hehpihna lam nasemte ( UNOCHA)te’ genna ah Kawlgam ah galvai kikapna hangin, inn leh lo nusia in galtai tatsat loin a om mah bangin, mihing gentheihna leh panpihna lam zong khang semsem hi ci-in August 24, ni-in pulakkhia uh hi. UNOCHA te’ ciamtehna ah Ukna buluh (SAC)te’ ukna lak ni akipan Sagaing Region sungah khuami vekpi 800000 kim (778900) te in Inn leh lo nusia in galtai uh ci hi.
Source: RFA
Translated: Tongsan Admin Team
Hits: 5