October 24, 2023 || Tongsan Media Group ||
NATO kipawlna ah pawlmi (member) luttheihna ding abeisa hun sawt khopkhat sung a khaktan cip ahi Turkey gamte in phalna / thukimpihna nei ta uh a, October 23,2023 ni-in Turkey President Erdoğan in thukim suai kaihna (signed) nei ta cih thu Turkish President zumpi pan tangko khia uh hi.
Turkey kumpi ii thukimna leh khensatna tawh kisai lungdam takin muakna aneih banah Turkey Parliament in thukimpih lai ding kisam ahih manin, a manlang in Mee (vote) lakna a neihna ding lametna lianpi nei uh ahihna thu Sweden kumpi in pulakkhia hi.
Sweden ii ngetna pen Turkey in thukimpih pak loin, tawlpi khat sung a ngaksakna hangin, cimtak huai lua ta ci-in NATO Secretary General Jans Stortenberg in abeisa ni 2, 3 lai-in pulakkhia a, tua zawh a sawtlo hun sung mahin Turkey President Erdogan in thukimna a piakhia thei suak hi.
Russia kumpite’ thusuahna ah Sweden te NATO member a lut zawh peuh mah leh Baltic Tuipi dung pen Russia ading hong khaktan pah lian ding uh cih kigelh bek tham loin, Sweden te NATO member a lut zawhna hangin Russia te lunghimawhna lianpi suak leuleu hi.
Hits: 6