Karen National Union (KNU), Koh Thuley Administrative Region, Taw Oo (Taungngu) District, Brigade (2); Tho Tathok (Than Tapin) Township, Daylo village group, Musalay ah ukna buluh (SAC) te’ Camp (1) buppi nusia in, taikhia mang uh cih thu KNU Center pan tangkona nei uh hi.
Tua Camp pen abeisa 2013 kum akipankhia hi-in, Dingrekhab No. 2 Hydroelectricity Dam, a kem a om Musalay Camp pen Sah Kah Khah (20) khut nuai a om Khah Mah Zah -581 galkapte pen January 2, 2024 ni-in amau Campte nusia in taimang uh ahih manin, Karen National Liberation Army (KNLA) Battalion No. (6) in tua Camp pen etcianna a neih khit nungah Mei tawh haltum in susiacip uh ci hi.
Taung Ngu District sungah abeisa December 31, ni-in Flaisalo Army Camp, 2024 January 2 ni-in Kalaw Medeh Camp lianpi cihte khempeuh nusia in, taisan mang uh hi. Tua Musalay Camp a om SAC galkapte zong om ngam nawnlo in, amau galphual taisan mang uh ahih manin, ni 3 sungin Ukna buluh ngongtat (SAC) galkapten a nusiat uh galphualpi mun 3 na hita cih kiza hi.
Hits: 2