August 28, 2023 || Tongsan Media Group ||
Chin State, Thantlang khuapi sungah August 27-28 ninih sung Chin Defense Forces te leh Ukna buluh (SAC) galkapte nasiatak kikap uh a, Chin Defense Forces lamte 11 si cih kiza hi. August 27, ni zingsang lam akipan kikapna kipan hi-in, SAC lamte’n Jet Fighter khat tawh bomb khiat ziahziah ci hi. Tuni August 28 ni zingsang (5:00am) hunin kikapna kipan kik a, SAC galkapte’n Hakha khuapi pan Thaupi tawh huhin nasiatak kap uh ci hi.
Zingsang lam (07:00am) leh nitak lam (7:00pm) hunin Jet Fighter leng kik leuleua, Thantlang khuapi sung bomb khiat uh a, tua laiah Chin Defense Forces pawlte galkap 10 in nuntakna tanlawh uh ci hi. SAC lam pan zong a si aliam tampi om himah leh kiciantak kitheizo nailo hi. Sunkim (12:00noon) hun pawlin Hakha khuapi ah SAC te’n mawtaw 3 tawh galkap puak beh uh ci hi.
Chin Defense Forces lamah a site pen; CNA pan 5, CDF – Zophei 4, CDF-Thantlang 1 leh CDF- Hakha 1 cih teng kiza a, a liam zong pawl khat om tuak ci hi. Ahi zongin Chin Defense Forces lam pan bel Official takin pulakna omlian nailo cih thu Zofa Journal te’ tungtawn in kizasawn hi.
Source: Zofa Journal / Zalen
Translated: Tongsan Admin Team
Hits: 5