July 7, 2023 | Tongsan Media Group |
British Intelligentte’ tungtawn a British Defense official-te’ genna-ah anuai a thubul 6 tawh etcikna leh muh khiatna bawl uh hi.
(1) Russia in Ukraine akap / a do cil akipan tuni ciangciang a thahatna uh a ekcikna ah Russiate a thahatna alang bei ta hi ci-in mukhia uh hi.
(2) Admiral Sir Tony Radakin in a genna-ah, Russia a zawm cip pian hi ta a, Ukraine te’ counter offensive nang / dal zo nawnlo ding uh ci hi.
(3) US in thusim a kaihkhopna sungah Russia galkapte a liam a bai, a si a mang teng tawh akigawm vekpi 200,000 val khin ta ding ci-in mukhia uh hi.
(4) Ukraine thukante in Russia cimawh mahmah ta uh a, Zaporizhzhia nuclear meitha bawlna munpi bomb tawh sukzaan sawmin, inn khumvum dawn ban zahin a puakkham thei (explosives) koih uh hi cih thu western gamte’ thugente aman takpi mah hiam ci-in hu ngaih mahmah uh ci hi.
(5) Sen (China) kumpipa Xing Paing in Russia President Putin kiangah, “Ukraine gamah Nuclear galvan peuh mah zang kei un ci-in thu piakna nei hi.
(6) Bakhmut khuapi sim leh mal, nisuahna lam panin Ukraine galkapte in Russia galkapte nawk phei ziahziah in, hial bawl phei henhen ta uh ci hi.
Source: ABC News
Translated: Tongsan Media Admin Team
Hits: 7