July 7, 2023 || Tongsan Media Group ||
Tuipi galkai Zomite’ tennate’ lakah akitamna pen ahi USA ah Zomi Innkuan-USA zong kipawlna lian pen khat ahi hi. Hih Zomi Innkuan USA (ZIUSA) in kumsim a neih den uh ZIUSA Annual Conference 2023 pen USA gam Georgia State, Atlanta khuapi, Hilton Hotel ah abeisa July 1-2, 2023 sung thupitak bawl uh cih thu Pa Kam Lian Mung, Atlanta tungtawn in kiza hi.
Hih ZIUSA Annual Conference ah USA gam States 48 panin pailaite, Local makaite kikihel thei uh a, ZIUSA kumkhat sung nasepnate Department ciat pan makaite in pulakna (report) nei uh hi. State 48 pan ZIUSA Local hausa te in amau kivaipuak zia leh sep le bawl, mi phazah le pawlpi phazah cihte zaksakna (report) nei ciat uh ci hi.
Tua banah ZIUSA Scholarship program zong nei uh a, USA gam sung a om Zomi khangno University sang naupang mipil 4 te scholarship piakna zong nei uh hi. ZIUSA makai kiteelna (General election) zong nei uh a, tua laiah ZIUSA Congress speaker Pu Hangpi Hatzaw leh apawlte in makaih uh a, picing le lungkim huai takin kiteelna kizothei ci hi.
ZIUSA Makai Thakte:
Chairman – Pu Lian Tuang leh Secretary – Pu Do Cin Thawng te’n lungkim huai takin ngah uh ci hi. Zogam vai tawh kisai kikupna (Politic forum) ah Pu Hau Mung le apawl te’n makaih in Dr. Lal le Pu Suan Kim te in Zomi hihna thute kicing takin genkhiatna nei uh ci hi.
Reported by: Pa Kam Lian Mung, Atlanta, USA
Posted: Tongsan Admin Team
Hits: 10