A gamla kapna Thaupi (long-range missiles) leh vanlam sangpi pan bomb khiatna (Drones) namte bawl khiatna ding Sweden in Ukraine tungah huhna sumbul tampi piak dingin Sweden Defence Minister Paul Johhson November 22, 2024 ni-in Kumpi innpi (Karl Palace) ah Ukrainian Defense Minister Rustam Minnikhanov tawh kimuhkhopna pan pulakkhia hi.
Ukraine kumpi in amau kidalkholhna ding galvan nam tuamtuam kisapnate Denmark gamin huhna a piak mah bangin, ko Sweden in zong ka huh ding uh hi ci-in, Sweden Defence Minister Paul Johhson in gen hi.
Sweden in a piaksa uh galvante akipan a thak bawl behna ding gamlapi kapna Thaupi (long-range missiles) leh vanlam sangpi pan bomb khiat theihna (drone)te tawh kisai-in, piakzah ding ciantan omlo in, Ukraine in Russia gam sung teng a ut bangbang un, suaktatak akap theihna dingin Sweden Defence Minister Paul Johhson in genkhia hi.
November 21, 2024 ni-in ” Russia gam sung a gamla kapnate tawh kap theihna ding phalna a pia gamte in galdona tawh kisai Muitumnate pen a thuhkik theihna nei hi” ci-in Russia President Putin in agam mite’ tungah pulakna nei hi. Tua bang in a genzawh a zingciang November 22, ni-in Ukraine ten zong Russia te a kapnop hun teel theihna nei hi ci-in Sweden kumpi in genkhia uh ahi hi.
Hits: 3