November 9, 2023 || Tongsan Media Group ||
Sagaing Division, Kalaymyo leitaw lam a om မြောက်စည်းရဲစခန်း (Myauk Si Police Station) pen Kalay PDF te in abeisa November 3, 2023 (06:00am) hunin PDF kipawl khawmte in busim uh a, November 4, ni zingsang tungin sutkhia / ngah khia zo uh hi. Station a buluh khit ciangin Ukna buluh (SAC) palikte misi luang 9 mukhia uh a, PDF galkapte zong 3 si uh ci hi.
PDF kipawl khawm lam pan Vakok-CNDF galkap 1 leh Ranger Kalay Defence Force (RKDF) pan galkap 2 si uh hi. Myauksi Palik phualpi (မြောက်စည်းရဲစခန်း ) busimna ah Kalay District battalion (4), CNDF,CDF-KKG, Kalay Township PDF, Ranger Kalay Defense Force (RKDF) leh kipawlpih (Alliance) pawlte kikopin busim / lakhia uh ahi hi.
Kalaymyo, မြောက်စည်းရဲစခန်: (Myauksi Palik phualpi) pan akingah galvan (thau) nam tuamtuam Lawng 20, Thautang tampi banah khutlot bomb honpi khat, galkap leh Palik puansilh (Uniform) cihte tampitak kingah khia cih thu NUG kumpi, Ministry of Defense (MoD) zumpi in tuni November 9, 2023 ni-in pulakkhia uh hi. Myauksi Palik phualpi (မြောက်စည်းရဲစခန်း ) banah abeisa November 3, 2023 ni-in zong Kalay – Tamu Asia Highway tung a om Yazagyo Thonginn No. 1, 2 te gel zong PDF kipawl khawmte mahin busim in lakhia zo uh hi.
Tua banah tua ni mahin Kalay Township sung a om ဒေသကွပ်ကဲမှုစစ်ဌာနချုပ် (ကလေး)၊ Regional Command Headquarters (Kalay), အမှတ် (၂၂၈) ခြေလျင်တပ်ရင်း (No. (228) Infantry Regiment), အမှတ် (၆၄၄) စစ်လက်နက်ပစ္စည်းတပ်စု (No. (644) Military Equipment platoon) phualpi teng pen ကလေးခရိုင်ပြည်သူ့ကာကွယ်ရေးအဖွဲ့ (Kalay District People Defense Force (Kalay PDF) leh မြို့ပြစီမံချက် UG Drone အဖွဲ့ (Urban Planning UG Drone Team) cihte kipawlin Drone tawh bomb khiat uh hi.
Tua banah Kalay – Tamu lampi tung a om Khampat khuapi a phualsat SAC galkapte galphualpi leh ဝိတုတ်ရွာ (Witoh) khua a om SAC galphualte zong November 3, 2023 ni zingsang lamin PDF belpawlte in busim uh a, lakhiazo bek tham loin Khampat khuapi leh Witoh galphual lakhiazo uh hi. Tulaitak lian in zong Kalay Township tawh kigamgi Tamu Township leh Gangaw township sung a om SACte’ galphual khempeuh PDF belpawlte in nasiatak a busim san laitak uh ahi hi.
Hits: 8