Malaysia gam Kualalumpur khuapi, Cheras Maluri veng ah November 6, 2023 zankim (11:00am) hunin Zomi pasal palik CDM khat pen a omna Inn sangpi nuai ah a sisa in kimukhia cih kiza hi. Tua misi Palik CDM pen Pa Damasus Vum Lam Tuang (Kum 23), Laaitui khuami, Tedim khuapi ateng ci hi.
Pa Damasus Vum Lam Tuang pen abeisa 2020 October 1, ni-in mee (vote) khiatna zumah nasem hi a, tua mun pan Palik (Police) lutin, 2021 October 27 ni-in CDM lut cih thu kiza hi. ” Amah pen Palik CDM lut hi. Karen State, Pha-An khuapi ah tavuan kia (nasem) hi. CDM alutna pan 2022 August 27, 2023 ni-in Malaysia va pai hi. A lawmnu tawh kam kisel /kinial zelin, atawpna ah hih bangin thakhat thu in si himai” ci-in Malaysia lam a om mipihten gen hi.
Pa Damasus Vum Lam Tuang a sih ma in, a zi Nu Nuam Khek tawh nupa / innkuan vai buaina nei zel uh a, abeisa ni 2, 3 kim pawlin a zi tawh kikhen ci hi. Pa Damasus Vum Lam Tuang ii luang hawm pen a pawlpite makaihna tawh Malaysia gamah Christian ngeina zui-in, kivui ding cih kiza hi.
Hits: 11