Sagaing Division, Kalay Township, Zomite’ teenna khua khat ahi Tayagone khua pen abeisa kalkhat lai akipan PDFs kipawl khawmte leh ukna buluh (SAC) te kikapzel uh a, May 17, 2024 ni sun (12:00Pm) Ukna buluh (SAC)te’n hal kipan uh cih kiza hi. “Zingsang lam nai 10AM kiim-in Sakhangyi pan Letpanchaung khua pan thaupi tawh a tawm pen thumvei bang kap uh! Sun 12PM kiim ciangin, Tayagone khua mei tawh hal kipan uh,” ci-in khua sung mi khatin Tongsan Media ah gen hi.
Tua banah Ukna buluh (SAC) te drone tawh bomb a khiatna hangin khua sung a om Zion Baptist Church biakinn meikang in kizancip ci hi. Khuazang buppi in khuakim khuapam leh pawl khatte gamlak ah galtai mang uh ci hi. Tayagone khua sung bel PDF pawlin luahzo lai phot uh cih kiza hi.
![](https://tongsan.org/wp-content/uploads/2024/05/611f7342-2665-4dfb-b0f1-6a65d40a4e8f-1024x461.jpg)
![](https://tongsan.org/wp-content/uploads/2024/05/73e8c5e3-364b-421b-9f64-9f3d1ae3d4e3-1024x461.jpg)
![](https://tongsan.org/wp-content/uploads/2024/05/ce96c339-a7e2-44f7-822f-eee1a0f2290a-1024x461.jpg)
![](https://tongsan.org/wp-content/uploads/2024/05/d972942e-4487-44cc-a1d5-4ff0809f21c4-1024x513.jpg)
Hits: 2